«Самұрық-Қазына» қорының басқарма төрағасы Нұрлан Жақыпов ҚТЖ-ның IPO (алғашқы қоғамдық ұсыныс) өткізуді жоспарлап отырғанын мәлім етті, деп хабарлайды aqshamnews.kz.
Акцияларды орналастыру үшін алдымен заңнамаға өзгерістер енгізу қажет болады.
«IPO-ға шығу үшін ішкі және халықаралық заңнаманың талаптарын сақтау керек. Сондықтан біз өзгерістер енгіземіз, егер бұл мүмкін болмаса, тиісті заң жобаларымен жұмыс істейміз», – деді Жақыпов.
Ол болашақ акционерлерге қандай активтер мен қандай үлес ұсынылатынын түсіндірді.
«Біз компанияның 20%-ға дейінгі акцияларын сатуды жоспарлап отырмыз. Акционерлер магистральды теміржол желісін емес, КТЖ компаниясының өзін иемденетін болады. Компанияның меншігінде магистральды теміржол желісі мен басқа да активтер бар», – деді ол.
Ал вагондар, теміржол және компанияның басқа мүлкі акционерлерге берілуі жоспарланбайды.
«Бұл Air Astana IPO-ға шыққанда ұшақтарды немесе ұшақ дөңгелектерін сатпады ғой. Болашақ және қазіргі акционерлер компанияның акцияларына ие болады, бірақ инфрақұрылымға емес», – деп қосты КТЖ директорлар кеңесінің төрағасы Болат Жәмішев.
Бұған дейін «Отбасы банкі» IPO-ға шығуы мүмкін екені туралы ақпарат тараған болатын.