Imanbek-тің ремиксі Saint Jhn хитімен бірге бес миллиард тыңдалымға жетті
Қазақстандық продюсер және диджей Imanbek-тің Saint Jhn орындауындағы Roses әніне жасаған авторлық ремиксі барлық стриминг платформаларында жалпы бес миллиард тыңдалым жинады, деп хабарлайды aqshamnews.kz
2019 жылы жарық көрген бұл ремикс Imanbek-тің халықаралық деңгейде танылуына жол ашты. 2020 жылы ол алғаш рет Грэмми жүлдесіне ие болды, ал 2021 жылы «Үздік ремикс» аталымында жеңімпаз атанды. Imanbek — Қазақстаннан Грэмми алған алғашқы музыкант және посткеңестік елдер арасында неоклассикалық музыка санатында осы жүлдені жеңіп алған бірінші өнер иесі.
Сонымен қатар, ол прогрессивті би музыкасына маманданған Effective Records лейблімен келісімшартқа отырды. Roses ремиксі көптеген шетелдік чарттардың шыңына көтеріліп, U.S. Billboard Hot 100 рейтингісінде алғашқы бес орында, сондай-ақ TikTok желісінде вирусқа айналды.
Иманбек Зейкенов (Imanbek) музыканы алғаш теміржол колледжінде оқып жүрген кезінде үйренді. Музыкалық мансабында ол Usher, Wiz Khalifa, David Guetta және Рита Ора сияқты әлемдік жұлдыздармен жұмыс істеп үлгерді.