Маскқа Twitter-дің 73,115 миллион акциясы немесе 9,1% тиесілі.
Американдық миллиардер Илон Маск Twitter Inc акцияларын сатып алу үшін 2,64 миллиард доллар жұмсады. Бұл ақпарат сейсенбі күні кешке АҚШ-тың Бағалы қағаздар және биржалар комиссиясына (SEC) берген өтініші негізінде айтылған, деп хабарлайды Almaty-akshamy.kz Interfax.ru сілтеме жасап.
Бұл ретте миллиардер 13D форматындағы жаңа құжатты ұсынды, яғни инвестор компания жұмысына белсенді түрде қатысуға ниетті екенін білдіреді. Алдыңғы құжатты Маск дүйсенбі күні 13G түрінде тапсырды, ол компаниядағы пассивті үлесті тіркеуді қамтиды, яғни инвестор бақылауды жүзеге асыруға ниеті жоқ, деп хабарлайды CNBC.
5 сәуірдегі жағдай бойынша, Маскқа Twitter-дің 73,115 миллион акциясы немесе 9,1% тиесілі. Сейсенбі күні Twitter акцияларының саудасы жабылған кезде, Масктың үлесі 3,73 миллиард долларға бағаланды.
Маск акцияларды қаңтардың аяғынан бастап сатып ала бастады және күн сайын дерлік сауда жасады. Инвестор ең ірі мәмлені 7 ақпанда жасады - ол 176 миллион долларға 4,8 миллионнан астам акция сатып алды, мұны құжаттамадан көруге болады.
Осы арада Масктың Twitter директорлар кеңесіне кіретіні бір күн бұрын белгілі болды. Ол басқарма мүшесі болған кезде, оның компаниядағы үлесі 14,9%-дан аспауы керек.
Өткен аптада Маск компания платформасындағы аккаунтында әлеуметтік желінің сөз бостандығына деген көзқарасына риза емес екенін және жаңа платформа құруды «байыпты қарастырып жатқанын» айтты.