Іле Алатауы тауларында ТЖМ құтқарушылары жарақат алған адамға көмекке келді.
Мәншүк Мәметова көлінің маңында тауға шығу кезінде жас жігіт аяғын қайырып алған. Көмекке «Тұйық-су» бақылау-құтқару бекетінің құтқарушылар экипажы шықты, - деп хабарлайды Aqshamnews.kz.
Қызметтік көлікпен № 6 көлге жетіп, құтқарушылар ары қарай жаяу көтерілді. Оларды зардап шегушіге алғашқы медициналық көмекті көрсеткен альпинисттер қарсы алды. Құтқарушылар ер адамды альплагерьге дейін түсіріп, содан кейін «Медеуге» жеткізіп, жедел медициналық жәрдем бригадасына тапсырды.