Бұл кинозертхана 19-23 қыркүйек аралығында ынтымақтастық пен бірлескен өндіріске ашық жас режиссерлер мен продюсерлерге арналған
«Паразит» фильмінің режиссерлері Алматыдағы қазақстандық режиссерлер мен продюсерлерді оқытады, деп хабарлайды Almaty-akshamy.kz.
Ертең Cinema Press клубында Корея кино өнері академиясының (KAFA) өкілдерімен баспасөз мәслихаты өтеді. Кореядағы осы жетекші кино мектебінің түлектері арасында Оскар сыйлығын алған «Паразит» фильмінің режиссері Бонг Джун Хо мен танымал «Кальмарлар ойыны» сериалының операторы Ли Хён Деок бар.
Корея кино өнері академиясы Алматыға KAFA Kino Lab форматындағы интенсивті білім беруді әкелді. Бұл кинозертхана 19-23 қыркүйек аралығында ынтымақтастық пен бірлескен өндіріске ашық жас режиссерлер мен продюсерлерге арналған.
Қазақстан пандемиядан кейін KAFA Kino-lab үшін бірінші ел болды. Бұған дейін Корей киноакадемиясының АҚШ, Жапония, Франция және Қытайдағы киномектептермен осындай бірлескен жобалары болған. Біздің елімізде AlmaU медиа және кино мектебі кинозертхана өткізуде KAFA серіктесі болды.
«Алматыда KAFA Kino Lab бірлесіп ұйымдастыру – біз үшін стратегиялық маңызды кезең. Қазақстандық студенттерді халықаралық даму, әлемдік киноиндустрия көшбасшыларымен серіктестік, гранттық бағдарламалар мүмкіндіктері және өзара әрекеттесудің басқа түрлері арқылы оқыту олардың болашақ дағдыларын меңгеруіне жағдай жасайды», - деп атап өтті AlmaU медиа және кино мектебі.
Алматыдағы KAFA Kino Lab Қазақстан Республикасы мен Оңтүстік Корея арасындағы дипломатиялық қарым-қатынастың 30 жылдығына арналған. Жоба қазақ-корей фильмдері мен сериалдарын бірлесіп шығаруға бастамашы бола алатынымен ерекшеленеді.
Бес күн бойы KAFA профессорлары AlmaU медиа және кино мектебінің әріптестерімен бірге арнайы байқау нәтижесінде іріктеліп алынған 12 адамды – алтауы Қазақстаннан және алтауы Оңтүстік Кореядан оқытылады. Мәселен, қатысушылардың арасында өткен жылы Пусан қаласында өткен 26-шы халықаралық кинофестивалге «От» фильмімен шақырылған режиссер Айжан Қасымбек те болды.
KAFA Kino Lab нәтижелері бойынша қатысушылар өз жобаларын ұсынады. Зертхананың негізгі мақсаты – әлемдік кино нарығына назар аудара отырып, бірлескен өндіріске қатысушыларды питчингке үйрету.
Оның өкілдерімен өтетін баспасөз мәслихаты аясында журналистер Оңтүстік Корея мен Қазақстан кинематографистерінің ынтымақтастығы перспективалары, корей фильмдерінің танымалдылығы феномені және жалпы киноиндустриядағы үрдістер туралы біле алады.