Қазақстанда кадрлар құрамын дамытуға қолдау көрсету және жоғары білікті IT мамандарды даярлау шеңберінде Huawei Technologies Kazakhstan компаниясы АКТ саласындағы алғашқы студенттік қауымдастықты құрды, деп хабарлайды Almaty-akshamy.kz. ҚазАқпаратқа сілтеме жасап.
Бір дегенде жұмыс, сарапшылардың қолдауын және құндылықтарды бөлісетін достарды қалай табуға болады? Бұл сұрақтың жауабын Қазақстандағы Huawei ICT Community қатысушылары жақсы біледі.
Оқуды бітіргеннен кейін жұмысқа орналасу және алынған теориялық білімнің өзектілігі – университеттің әр түлегін толғандыратын басты мәселелер.
«Атамекен» Ұлттық кәсіпкерлер палатасының сарапшылары атап өткендей, Қазақстанда жас мамандар арасында жұмыс іздеудің орташа уақыты 97 күнді құрайды.
Алайда, егер студент конкурстар мен оқыту іс-шараларына, мысалы, Huawei Technologies Kazakhstan компаниясы жыл сайын өткізетін іс-шараларға белсенді қатысса, бұл уақыт кезеңі айтарлықтай қысқаруы мүмкін.
Жас мамандарды уақтылы жұмысқа орналастыру және жеке кадрлық резерв құру қажеттілігіне өмірдің маңызды салаларын цифрландырудың жаһандық үрдісі де үлкен әсер етеді.
Цифрландырудың үздіксіз өсуін IDC компаниясының есебі де растайды, оған сәйкес әлемдік АКТ нарығы 2025 жылға қарай 5,2 трлн долларға жетеді.
Цифрлық технологиялардың қарқынды дамуымен ақпараттық-коммуникациялық технологиялар саласындағы дағдыларға сұраныс та күн санап өсіп отыр.
Қазақстандық кадрлар құрамын дамытуды қолдау және жоғары білікті IT-мамандарды даярлау шеңберінде Huawei Technologies Kazakhstan компаниясы АКТ саласындағы алғашқы студенттік қауымдастық - Huawei ICT Community ашты.
Бастама қатысушыларға цифрлық дағдыларын дамыту және армандаған жұмысқа орналасу үшін жаңа кәсіби мүмкіндіктер алуға көмектеседі.
«Бүгінгі таңда Қазақстанның алдында өңірлік цифрлық хаб мәртебесін нығайту және отандық IT-секторды күшейту сияқты стратегиялық міндеттер тұр. Президент Қасым-Жомарт Тоқаевтың алдымызға қойған бұл мақсаттары Huawei компаниясының мақсаттарына да сәйкес келеді. Технологиялар инновацияларды ынталандырып, біздің әлемді қалыптастыратындықтан біз үшін АКТ саласындағы жетекші сарапшылардың келесі буынын дайындау өте маңызды. Сондықтан Huawei Қазақстанда ICT community - АКТ саласындағы студенттік қауымдастықты оқыту, идеялармен алмасу және байланыс орнату платформасы ретінде іске қосады. Мұнда студенттер өз саласының сарапшыларымен пікір алмасуға, жаңа технологиялар мен тенденциялар жайлы білуге, тағылымдамалар мен басқа бағдарламалардың арқасында практикалық тәжірибе жинауға мүмкіндік алады», - деп атап өтті Huawei Technologies Kazakhstan компаниясының өкілі.
Кәсіби дағдылармен үздіксіз жұмыс жасай отырып, мансап жолын құруға сауатты және жүйелі түрде келген талантты студенттер Huawei ICT Community мүшесі бола алады.
Қауымдастық қатысушыларының арасында Huawei аймақтық және халықаралық байқауларының жеңімпаздары, білім бағдарламаларының финалистері және ақпараттық-коммуникациялық технологиялар саласындағы өз әлеуетін толық іске асыруға шешім қабылдаған АКТ академияларының қатысушылары бар.
«Huawei компаниясы әрдайым АКТ саласындағы жас мамандарды қолдайды және дамытады, сондықтан біз үздік студенттерді іздеуге бағытталған түрлі бағдарламалар мен конкурстар өткіземіз. Huawei ICT Community - бұл сіз оқуға, біліміңіз бен дағдыларыңызбен бөлісуге және әлемді жақсы жаққа өзгерту үшін қызықты жобаларды жүзеге асыруда бірігетін орын. Сіздің болашағыңыз тек сіздің қолыңызда, дәл қазір сіздің жарқын болашағыңызды құратын уақыт келді, ол тек сізге байланысты», - деп атап өтті Huawei Technologies PR-менеджері Айман Сахова.
Жеке және кәсіби даму үшін ішкі мотивацияның маңызын Tech Garden автономды кластерлік қорының CEO Бауыржан Канкин де атап өтті.
Сондай-ақ, сарапшы АКТ-мамандарды жұмысқа орналастыру мүмкіндіктеріне қатысты қызықты инсайтпен бөлісті: бұл бос орын танымал қаржы және экономикалық секторларды ғана емес, сонымен қатар Қазақстанда Индустрия 4.0 дамуының арқасында өнеркәсіп, тау-кен және ауыл шаруашылығы салаларында жұмысқа орналасуға мүмкіндік береді.
Huawei ICT Community-дің тағы бір маңызды ерекшелігі - студенттерге қызықты ұсыныстарды тікелей таңдауға және тәжірибе алмасуға көмектесетін кәсіби нетворкинг.
Қауымдастық мүшелері түйіндемелерімен бөлісе алады, оларды Huawei компаниясы ғана емес, сонымен қатар оның әртүрлі салалардағы серіктестері де қарастырады, бұл жұмысқа орналасу мүмкіндіктерін арттырады.
Қауымдастыққа қатысу арқылы студенттер бұлтты есептеу, үлкен деректер, жасанды интеллект және 5G сияқты салалардағы ең жаңа технологияларға, оқу бағдарламаларына және ресурстарға қол жеткізе алады, осылайша болашақ мансап үшін құнды тәжірибе жинайды.