Білім бәйгесіне әлемнің 16 елінен 130 жас ғалым қатысқан.
Қазақстан құрамасы химия пәнінен әл-Бируни атындағы халықаралық олимпиадада төрт медаль жеңіп алды, деп хабарлайды Almaty-akshamy.kz
Оқу-ағарту министрлігінің мәліметінше, Өзбекстан Республикасының Хиуа қаласында өткен Әбу Райхан әл-Бируни атындағы химия пәнінен халықаралық олимпиадаға әлемнің 16 елінен 130 жас ғалым қатысты. Қазақстан ұлттық командасының құрамына химия пәнінен халықаралық Менделеев олимпиадасының 4 жүлдегері енген болатын. Төртеуі де әл-Бируни атындағы олимпиада жүлдегері атанды.
Олар:
Әділжан Молдағұлов— Маңғыстау облысының «Білім-инновация» лицей-интернатының 10 сынып оқушысы;
Диас Қоршыбек — Жамбыл облысының дарынды ер балаларға арналған «Білім-Инновация» лицей-интернатының 10 сынып оқушысы;
Әлихан Смет — Астана қаласының дарынды ер балаларға арналған «Білім-инновация» лицей-интернатының 11 сынып оқушысы;
Инсар Имаш — Алматы қаласындағы Haileybury Almaty мектебінің 11 сынып оқушысы.
Айта кетсек, Әбу Райхан әль-Бируни атындағы халықаралық олимпиада Өзбекстанда алғаш рет ұйымдастырылды. Олимпиада екі кезең бойынша өтті. Қатысушылардың білімі мен әлеуеті жазбаша және практикалық зертханалық жұмыстармен бағаланды.