«Әуезов үйі» ғылыми-мәдени орталығының Мәжіліс залында М.О.Әуезов атындағы Әдебиет және өнер институты, Ұлттық Манас Академиясы, Халықаралық «ТҮРКСОЙ» ұйымының ұйымдастыруымен Ұлы манасшы Саяқбай Қаралаевтың 130 жылдық мерейтойына арналған халықаралық ғылыми-тәжірибелік конференциясы мен Қазақ халқының ұлы жазушысы Мұхтар Әуезов және Мұрат Әуезовті еске алу кеші өтті.
Іс-шараның басты мақсаты – Мұхтар Әуезовтің және Саяқбай Қаралаевтың қырғыздың «Манас» эпосын сақтауға және жан-жақты танытуға қосқан үлесін айқындау.
Конференция аясында Қазақ және Қырғыз әдеби мұраларының ерекшелігі талданып, ұлттық эпосты сақтау және насихаттау бағытында өзекті мәселелер талқыланды.
– Бұл іс-шараның маңызы зор. Әдебиет мен мәдениетке еңбек сіңірген айырықша тұлғалар аз болмаған. Ғылыммен шұғылдану, рухани жәдігерлерді ой елегінен өткізіп халыққа ұсыну үлкен қажыр-қайратты қажет етеді. Ғалымның жазған еңбегі ұрпақтан-ұрпаққа мәңгілік мұра болып қала береді, – деді ҚР ҰҒА академигі, фольклортанушы ғалым Кенжехан Ісләмжанұлы.