Қыс мезгілінде тұрмыстық газды пайдалану қарқын алған сайын, газдан улану мен жарылыс оқиғалары да жиілеп кетеді. Өкінішке қарай, жылыту маусымы басталғаннан бері елімізде тұрмыстық газға байланысты бірнеше қайғылы жағдай тіркелген. Мамандардың айтуынша, бұл көбінесе қауіпсіздік ережелерін сақтамаудың салдарынан болады.
«QazaqGaz Aimaq» АҚ мәліметінше, 2024-2025 жылғы жылыту маусымы басталғалы бері 76 жазатайым оқиға тіркелген. Нәтижесінде 182 адам зардап шеккен, оның ішінде 72 адам қайтыс болған.
Газ – оны дұрыс пайдаланған жағдайда ғана қауіпсіз. Көптеген қайғылы оқиғалар қарапайым қауіпсіздік ережелерін сақтамаудан орын алады. Газбен уланудың негізгі себебі – көмірқышқыл газының (СО) жиналуынан болады. Яғни ауа алмасуы дұрыс ұйымдастырылмаған кезде, түтін сыртқа шықпай, газ үй ішінде жиналып қалады. Мұның алдын алу үшін қарапайым, бірақ маңызды қауіпсіздік шараларын ұстану қажет. Өйткені, газ – қауіпсіздік ережелерін сақтаған жағдайда ғана ыңғайлы әрі тиімді энергия көзі саналады.
Сала мамандарының айтуларынша, орын алған қайғылы жағдайлар, негізінен, газ тұтыну жабдықтарын пайдалану кезінде қарапайым қауіпсіздік ережелерін сақтамағандықтан болады. Оған себеп – зардап шеккендердің жылыту құралдарын пайдалануға немқұрайлы қарауы, оларды өз бетінше қосуы, құрастыруы немесе орнын ауыстыруы, қолдан жасалған газ жабдықтарын пайдалануы, тамақ дайындауға арналған газ жабдығымен үй-жайларды жылытуы, техникалық қызмет көрсетуді орындамауы, мұржаның бітелмеуін, түтін тартуын тексермеуі болып отыр.
Демек, мұржа мен желдету арналарының дұрыс жұмыс істеуі – сіздің қауіпсіздігіңіз бен денсаулығыңыздың кепілі. Өйткені, улы газбен уланудың ең көп оқиғасы мұржаның тұтастығы бұзылғандықтан немесе түтіннің тартпауынан туындайды.
Есіңізде болсын! Жұмыс істеп тұрған газ аспаптарын қауіпсіз пайдалануға және желдету арналары