Қазақстанның аты аңызға айналған ғарышкері, авиация генерал-лейтенанты, Халық қаһарманы Талғат Мұсабаевты ақтық сапарға шығару рәсімі 6 тамызда Алматыда өтеді, деп хабарлайды Аqshamnews.kz.
Бұл туралы Алматы қалалық "Қарулы Күштер ардагерлері" республикалық қоғамдық бірлестігінің филиалы хабарлады. Рәсім сағат 09:00-де Офицерлер үйінде басталады. Қоштасудан кейін 28 гвардияшы-панфиловшылар атындағы саябақта митинг ұйымдастырылады. Талғат Амангелдіұлы Кенсай зиратына жерленеді.
Елге еңбегі сіңген ғарышкер
Талғат Мұсабаев 1951 жылы 7 қаңтарда Алматы облысы Жамбыл ауданының Қарғалы ауылында дүниеге келген. Ол – техникалық ғылымдар докторы, 1994, 1998 және 2001 жылдары ғарышқа үш рет ұшқан кәсіби ғарышкер.
2007-2016 жылдар аралығында Қазақстанның Ұлттық ғарыш агенттігінің төрағасы қызметін атқарды. Кейін, 2017-2023 жылдары Қазақстан Республикасы Парламенті Сенатының депутаты болды.
Еске салайық, Президент Қасым-Жомарт Тоқаев аты аңызға айналған ұшқыш-ғарышкердің дүниеден озуына байланысты көңіл айтты.