Ол үшін ғалымдар бөтелкедегі судың танымал үш маркасының бес үлгісін зерттеген.
Яғни бөтелкедегі суда бөлшектердің саны литріне 110 000-нан 400 000-ға дейін өзгеретінін, орташа есеппен 240 000-ға жуық екенін анықтады.
Орташа алғанда, бір литр бөтелкедегі судың шамамен төрттен бір миллионы нанопластикалық бөлшектер. Көзге көрінбейтін ұсақ бөлшектер қос лазерлі микроскоптың көмегімен анықталған.
Колумбия және Ратгер универитеттерінің зерттеушілері танымал үш марканың бөтелкедегі су үлгілерінен микропластикаға қарағанда нанопластиканың 10-100 есе көп екенін анықтады.
Ғалымдар су маркаларын атамауды жөн көреді, өйткені олар кеңірек зерттеу жүргізіп, басқа брендтердің үлгілерін зерттегісі келеді.
«Менің айтпағым, біз оларды [нанопластикалық бөлшектерді] көрсек те, көрмесек те, олар бар. Сондықтан олардың қанша екенін және олардың қандай екенін білсек жақсы. Бірақ мен өзім ғалым ретінде токсикологиялық зерттеу жоспарында оның өз ағзама қаншалықты зиянды екенін білу үшін көбірек деректер алғым келеді», - дейді зерттеудің жетекші авторы Найсин Цянь.
«Нанопластикалық бөлшектер денсаулыққа зиян ба?» деген басты сауалға ғалымдар әлі де нақты жауап таппады.
Сарапшылардың пікірі жаңа зерттеу ықтимал тәуекелдерді жақсырақ түсінуге жол ашады дегенге саяды, бірақ әзірге олар бұл туралы нақты айтуға және дабыл қағуға әлі ерте деп сендіреді.