Парижде бір топ эколог Олимпиада ойындарының өтуіне қарсылық танытуда.
Белсенділер билік қазірдің өзінде спорттық іс-шараларға дайындықты желеу етіп, бірнеше саябақ пен бау-бақшаны жойғанын алға тартып отыр, деп хабарлайды Almaty-akshamy.kz 24.kz-ке сілтеме жасап.
Олар "осылайша француз үкіметі зиянды ауа қалдығынан арылуға қатысты уәдесінен ауытқып кетті" деп айыптайды. Сондай-ақ Парижде босқындарды қудалау басталған.
Жазғы Олимпиада 26 шілде мен 11 тамыз аралығында, ал Паралимпиада 28 тамыз бен 8 қыркүйекте өтеді.
Ирис, белсенді:
"Олимпиада ойындарын өткізуден түк пайда жоқ. Бұл іс-шаралар қоршаған ортаны ластап, әлеуметтік дағдарыс тудырады. Олимпиада ойындарына арналған ақшаны экологияны жақсартуға жұмсау керек. Күнкөріс қиындап кетті. Баға тоқтаусыз өсіп жатыр. Құжаты жоқ мигранттарды қудалай күшейді."