Алматы әкімдігі феминист белсенділердің 8 наурыз күні бейбіт митинг өткізу туралы өтінішіне тағы да тыйым салды. Ресми жауапта мұндай іс-шараның «қоғамдық тәртіпке қауіп төндіруі мүмкін» екені көрсетілген, деп хабарлайды aqshamnews.kz
Белсенділер бұл туралы өздерінің Instagram парақшасында хабарлады:
«Біз 13 қаңтар күні әкімдікке 8 наурызда митинг өткізу туралы хабарлама мен маршқа арналған өтініш жібердік. Алайда 15 қаңтарда митингке рұқсат берілмегені туралы жауап алдық. Себеп ретінде "қоғамдық тәртіптің бұзылу қаупі“ көрсетілген. Бірақ біз бұл шешіммен келіспейміз және оны сот арқылы қайта қарауға ниеттіміз. Ал маршқа қатысты жауап әзірге түскен жоқ».
Белсенділер әкімдіктің бұл шешімін қабылдамау себебін түсіндіріп, оны заңды түрде қайта қарауды талап етпек. Олардың айтуынша, бұл тыйым билік тарапынан 15-ші рет жасалып отыр.