Пандемия жалғасып жатыр.
Еуропалық дәрі-дәрмек агенттігінің (EMA) Адамдарға арналған дәрі-дәрмек комитеті дүйсенбіде «Омикрон» нұсқасының жаңа және жұқпалы түрлеріне арналған вакцинаны мақұлдады, деп хабарлайды Almaty-akshamy.kz COVID-19 таралуына жол бермеу жөніндегі ВАК-ға сілтеме жасап.
«Бұл ұсыным адамдарды COVID-19-дан қорғау үшін қолжетімді вакциналардың арсеналын одан әрі кеңейтеді, өйткені пандемия жалғасуда және суық мезгілде инфекцияның жаңа толқыны күтіледі», - делінген дүйсенбіде жарияланған EMA коммюникесінде.
Құжатта Comirnaty Original/Omicron BA.4-5 вакцинасы кем дегенде алғашқы COVID-19 вакцинациясынан өткен 12 жастан асқан адамдарға арналған деп түсіндірілген.
Pfizer/BioNTech жасаған «екі валентті» инъекция - BA.4 және BA.5-тің жоғары инфекциялық нұсқаларына бағытталған және 27 елдің блогында мақұлданған алғашқы түрі.