Әнші Air Astana әуе компаниясын айыптап отыр.
Қызметкерлер жолаушының өтінішін тіркеп, дереу жүкті іздеуге кіріскен, деп хабарлайды Almaty-akshamy.kz
Әнші Ерлан Көкеев Air Astana әуе компаниясына қымбат аспабын жоғалтты деп шағымданды.
"Air Astana, не болып жатқанын түсінсем бұйырмасын. Сіздер әдейі жасайсыздар ғой деймін. Мен қазір ғана Өскеменнен ұшып келдім. Тағы да аспабыммен мәселе туындап отыр. Гитарам жоғалып кетті. Ең бастысы гитара әлі келмеді деп мені алдап отыр. Алдын ала аспап қалып қалмасын деп ескерткен болатынмын. Ешнәрсе болмайды деп айтқан болатын. Бірақ тағы аспабым жоқ. Аспабымды қайтарыңдар”, – дейді Ерлан Көкеев.
Оқиғаға қатысты Air Astana әуе компаниясының өкілдері түсініктеме берді.
"25 маусым күні Өскемен-Алматы бағыты бойынша KS302 рейсін орындайтын ұшақ қонғаннан кейін жолаушы Ерлан Көкеев Алматы әуежайындағы "Жоғалған жүктер" бөліміне жүгінген. Ол гитарасын жүктердің арасынан таппағанын хабарлаған. Қызметкерлер жолаушының өтінішін тіркеп, дереу жүкті іздеуге кірісті. Біз гитараны табу үшін бар күш-жігерімізді салып жатырмыз", – деді әуе компаниясының өкілдері.
Бұған дейін Air Astana ұшағы белгіленген уақыттан 7 сағат ерте ұшып кетті деген депутат Ирина Смирнованың әуе компаниясын сотқа беретіні туралы хабарлағанбыз.