Енді несие беру табысқа қарай шектелуі мүмкін, – деп хабарлайды aqshamnews.kz тілшісі.
Ұлттық Банк 2027 жылғы 1 қаңтардан бастап қазақстандықтардың несие алуына табысына қарай шектеу енгізуді жоспарлап отыр.
Жаңа жүйе бойынша банктер азаматтың барлық қарызын, микрокредитін және алатын жаңа несиесін оның жылдық табысымен салыстырып есептейді. Егер берешек көлемі тым жоғары болса, жаңа несие берілмеуі мүмкін.
Шекті деңгей — адамның жылдық табысының 8 есесіне дейін;
Ереже ипотека, автонесие және тұтынушылық қарыздарды да қамтиды;
Көрсеткіш қарыз алушының төлем қабілетін бағалау үшін қолданылады;
Мақсат — халықтың шамадан тыс қарызға батуының алдын алу.
Ұлттық Банк қажет жағдайда бұл шектеуді өзгерте алатынын мәлімдеді.