Air Astana әуе компаниясы Иранның әуе кеңістігін айналып ұшуға көшкенін мәлімдеді, деп хабарлайды Аqshamnews.kz тілшісі.
Авиакомпанияның баспасөз қызметінің ақпаратынша, Шарм-эль-Шейх, Дубай, Доха және Медина бағыттарындағы рейстер енді Иран аумағын айналып өтетін маршрутпен орындалады.
Компания бұл шешімге байланысты рейстердің орындалу тәртібі қайта қаралғанын атап өтті.
Еске салайық, бұған дейін Иранда ұлттық валюта құлдырап, жаппай наразылықтар басталғаны, сондай-ақ наразылық акцияларының соңы тәртіпсіздік пен тонауға ұласқаны туралы жазған едік. АҚШ президенті Дональд Трамп Иранның қауіпсіздік күштері наразылық білдірушілерге оқ атқан жағдайда, оларға көмек көрсетуге дайын екенін мәлімдеді. Осы мәлімдемеден кейін Иран өздеріне шабуыл жасалса Израиль мен АҚШ базаларына соққы беретінін ескертті.
