Әлемдегі ең бай әйел — L'Oreal концернінің иесі Франсуаза Бетанкур-Майерс — өзінің байлығын 100 миллиард доллардан асырып, тарихтағы бірінші әйел болып танылды. Bloomberg агенттігі оны миллиардерлер тізімінде 13-орынға орналастырды, ал Forbes рейтингінде 15-орында, деп хабарлайды aqshamnews.kz.
Бүгінгі күні компанияның құны 268 миллиард доллар деп бағаланады. Франсуаза Бетанкур-Майерс отбасына L’Oreal акцияларының 35 пайызы тиесілі. Франсуазаның ұлдары Виктор-Жан мен Николя компанияның басқарушыларының қатарында. Виктор-Жан тұрақтылық жөніндегі комитеттің мүшесі, ал Николя аудит комитетінде қызмет етеді.
Францияның ең бай адамдары арасында Бетанкур-Майерс екінші орын алады, ол LVMH негізін қалаушы Бернар Арноға ($179 миллиард) жол береді.
Франсуаза Bettencourt Schueller Foundation қайырымдылық қорының негізін қалаушы. Ол Франциядағы ғылым мен өнер саласындағы әртүрлі жобаларды қаржылай қолдаумен айналысады. Сондай-ақ аутист балалары бар отбасыларға көмек көрсетеді.