Медицина қызметкерлерінің арасындағы республикалық байқаудың қорытындысы шықты.
Оның нәтижесі бойынша Замзагүл Биахметқызы Чожикова "Үздік провизор" атағын алып, "Аltyn Shipager" ұлттық медициналық сыйлығының иегері атанды, деп хабарлайды Almaty-akshamy.kz
Ол емхананың директоры Гүлшахира Ажымұқанқызының басшылығымен Алматы қаласы Әуезов ауданы N6 қалалық емханасының жоғары санатты провизоры болып жұмыс істейді.
1990 жылы Алматы медицина институтының фармацевтика факультетін бітіріп, еңбек жолын Шығыс Қазақстан облысының Мақаншы ауылында бастадым, - дейді жеңімпазымыз.
Замзагүл Биахметқызы көптеген жылдар бойы өз пациенттерін дәрі-дәрмекпен қамтамасыз етумен айналысады, оның қызметіне дәрілік препараттардың сапасы мен қауіпсіздігін бақылау, дәріхана пункттерінің жұмысын ұйымдастыру кіреді.
"Мен өз кәсібімді мақтан тұтамын. Фармакология саласындағы 33 жылдың ішінде бірнеше рет түрлі марапаттарға ие болдым. Үлкен жұмыс өтіліне қарамастан, өз мамандығымды жетілдіру бойынша курстардан өтуді жалғастырамын, өйткені қазіргі заманғы медицинада білім қорын үнемі толықтырып отыру қажет", - деп есептейді еліміздің үздік провизоры.