Республика бойынша жел күшейеді.
Алматы облысында солтүстік-шығыстан жел соғады, деп хабарлайды Almaty-akshamy.kz "Қазгидрометке" сілтеме жасап.
20 сәуірде Қазақстанның үш облысында найзағай ойнап, жел күшейеді.
Күндіз Қызылорда облысының оңтүстігінде найзағай ойнайды. Солтүстік-шығыстан соққан желдің жылдамдығы күндіз облыс орталығында 15-20 м/с болады.
Түнде және таңертең Солтүстік Қазақстан облысының батысында тұман түседі. Күндіз облыстың оңтүстігінде солтүстік-батыстан соғатын желдің екпіні 15-20 м/с-қа жетеді.
20-22 сәуірде Алматы облысында солтүстік-шығыстан жел соғады, Алакөл аумақтарында 25 м/с-ке дейін күшейеді.
Естеріңізге сала кетейік, алдағы күндері Қазақстанның оңтүстігінде синоптиктер найзағай ойнап, екпінді жел соғады, шаңды дауыл соғады деп болжаған болатын.