Әскерге барып келгендер еліміздегі университеттерде тегін білім алады.
Елде әскери борышын өтеген жауынгерлерді тегін оқуға қабылдайтын университеттер тізімі жасақталды, деп хабарлайды Аlmaty-akshamy.kz Қорғаныс министрлігінің баспасөз қызметіне сілтеме жасап.
Ең бастысы, сарбаздар бірыңғай тестілеусіз білім қабырғасына алынады. Қорғаныс министрлігі 41 жоғарғы оқу орнымен арнайы келісімге келген. Нәтижесінде еліміздегі 41 жоғарғы оқу орны жауынгерлерге гранттар береді. Қорғаныс министрлігі таратқан тізімде Алматы және Астанадағы ірі оқу орындары бар. Сондай-ақ әскери бағыттағы институттар борышын өтеп келгендерді де тегін оқытады.
