Ауыл шаруашылығы мақсатында пайдаланылатын жайылымдық жерлердің 40 пайызы нашар жағдайда.
Мұндай деректер ғарыштық мониторинг нәтижесінде белгілі болды, деп хабарлайды Almaty-akshamy.kz ҚазАқпаратқа сілтеме жасап.
«Былтыр көктемде Қазақстанның 60 ауданы бойынша жайылымдық алқаптардың 26,2%-ы өте нашар және 33,4%-ы нашар жағдайда екені анықталды», - деді Аэроғарыш комитетінің төрағасы Баубек Оралмағамбетов Орталық коммуникациялар қызметінде өткен брифингіде.
Ал биыл көктем мезгілінде жүргізілген мониторинг қорытындысы негізінде жайылымдық жерлердің жай-күйі мынадай:
- 40% жайылымдық жердің жағдайы өте нашар;
- 4 млн гектар жайылым жер қатты дәрежеде деградацияланған;
- өсімдіктердің орташа өнімділігі гектарына 4,6 центнер.