Соңғы жылдары жоғалып кету қаупі бар аңдардың саны артып келеді.
Бұл туралы Орталық коммуникациялар қызметіндегі брифингте Экология және табиғи ресурстар министрлігі Орман шаруашылығы және жануарлар дүниесі комитетінің төрағасы Данияр Тұрғамбаев айтты, деп хабарлайды aqshamnews.kz.
- Қазіргі уақытта жоғалып кету қаупі бар аң-құстарға қатысты динамика толықтай өзгеріп жатыр. Бүгінде елімізде аң-құстың 835 түрі бар. Оның Қызыл кітапқа енгізілген 132-сі түрінің жоғалып кету қаупі бар, - деді ол.
Оның атап өтуінше, елімізде ерекше қорғалатын табиғи аймақтың аумағы 30 млн гектарға жуықтайды. Осы аймаққа кірмейтін аң-құстың сақталуын «Охотзоопром» кәсіпорнының 500-ге жуық қызметкері жіті бақылауда ұстайды.
- 2005 жылмен салыстырғанда бүгінде жойылып кетуі қаупі бар жануарлар санының артуы байқалады. Мәселен, сол жылы Құлан саны 1 212 бас болса, өткені жылы 4 600-ден асты. 8 800 арқар болса, бүгінде 21 182 басқа жетті. Қарақұйрық саны 12 500 болса, қазір 15 588 бас болды. Айта кетерлігі, ерекше қорғалатын табиғи аймақтардың аумағы жылдан жылға ұлғайып келеді. Бұл аң-құсты қорғаудың әлемдегі ең дұрыс жолы ретінде танылған. Сондықтан осы бағытта жұмысымызды жалғастырамыз, - дедң Данияр Тұрғамбаев.