Әйелдер теннис қауымдастығы WTA жекелей және жұптық сындағы жаңартылған рейтингті жариялады, деп хабарлайды Aqshamnews.kz тілшісі.
Жекелей сында Қазақстанның бірінші ракеткасы Елена Рыбакина Australian Open 2026 турниріндегі жеңісінен кейін 5-орыннан 3-орынға көтерілді. Осылайша ол Мельбурн төріндегі турнирде чемпион атанған Қазақстан теннисіндегі алғашқы спортшы ретінде тарихқа енді. Бұл - оның мансабындағы ең жоғары көрсеткіштің қайталануы: 2023 жылы да 3-сатыға шыққан.
Рейтингте Юлия Путинцева бірден 24 орынға жоғарылап, 70-орынға тұрақтады. Зарина Дияс 282-орында, ал Жібек Құламбаева үш саты төмендеп, 387-орынға түсті. Ал көш басындағы алғашқы екі орын өзгеріссіз: Арина Соболенко мен Ига Швёнтек өз позицияларын сақтап қалды.
Жұптық сында Анна Данилина үш орынға көтеріліп, 11-орынға шықты. Топ-3 қатарында Катерина Синякова, Тейлор Таунсенд бар, ал Жасмин Паолини мен Сара Эррани үшінші орынды бөлісіп тұр.