Алматыдағы Қазақстандық орыс мәдени орталығының төрағасы Всеволод Лукашев референдумға қатысып дауыс берді, деп хабарлайды aqshamnews.kz.
– Бүгін Қазақстан тарихындағы маңызды күндердің бірі, ол біздің қоғамымыздың демократиялық екенін көрсетеді. Ел дамуының негізгі мәселелері бойынша жалпы талқылау және шешім қабылдау маңызды, – деді Всеволод Лукашев.
– Бүгін біз балаларымыздың болашағы қандай болатынын және еліміздің әлемдегі орнын анықтап отырмыз.
Әңгіме барысында спикер қазіргі әлемде ғылыми прогресс нағыз тәуелсіздікті анықтайтынын атап өтті.
– Дамыған елдерде өмір сүру деңгейін әр тұрғынға шаққандағы тұтынылған электр энергиясымен бағалайды. Тұтыну деңгейі жоғары болған сайын өмір сүру деңгейі де жоғары. Бүгін біз энергетикалық табысты болашаққа тарихи қадам жасап жатырмыз. Егемен Қазақстан энергетикалық еркін елдердің алдыңғы қатарында өз орнын алады, – деді Всеволод Лукашев.