«Мен Әлихан Асханұлымын».
Азаматтарға Whatsapp мессенджері арқылы бұрынғы премьер-министрден хат келіп жатыр, деп хабарлайды Almaty-akshamy.kz
“Сәлеметсіз бе? Қолыңыз бос па?” Бірнеше азамат мессенджерден осындай хат алған. Әрі қарай ол өзін “Әлихан Асханұлымын” деп таныстырады.
Бұл туралы Смайылов басшылық ететін Жоғары аудиторлық палатаның баспасөз қызметі мәлімдеді. Олар мұндай хаттардың жалған екенін хабарлап, сенбеуге шақырды.
“Интернет-алаяқтардың WhatsApp мессенджерінде Жоғары аудиторлық палата төрағасы Әлихан Смайыловтың атынан жалған нөмірлерден хабарламалар таратып жатқанын хабарлаймыз,”- деді баспасөз қызметі.
Баспасөз қызмет жалған ақпартқа сенбеуге және күмәнді сілтемелерге өтпеуге шақырды.