Қазақстандық әнші және әлемдік деңгейдегі жұлдыз Димаш Құдайберген DIAFA мәртебелі сыйлығын иеленді, деп хабарлайды aqshamnews.kz.
Бұл сыйлық жыл сайын араб елдерінен және басқа да мемлекеттерден қоғам өмірін жақсартуға айтарлықтай үлес қосқан тұлғаларға беріледі.
Әнші бұл жағымды жаңалықты әлеуметтік желілер арқылы бөлісті.
«DIAFA сыйлығы үшін өнерге қосқан үлесім үшін рахмет. Дубайға, DIAFA-ға рахмет», – деп жазды Димаш.
Айта кетейік, бұл сыйлықтың лауреаттары музыка, өнер, мәдениет, экономика, бизнес және қайырымдылық саласындағы сарапшылардан тұратын қазылар алқасының шешімі негізінде анықталады.