Бүгін – Жалпыхалықтық референдум. Қазақстан азаматтары Атом электр станциясын салуға қатысты шешім қабылдайды. Ол үшін АЭС-ті қолдап, немесе қарсылық білдіріп дауыс береді.
Осы ретте №101 сайлау учаскесіне Референдумға дауыс беруге әнші, композитор Дидар Каден келді, деп хабарлайды aqshamnews.kz.
«Референдумға қатысып, өз даусымызды беріп, азаматтық парызымызды өтедік. Бұл – еліміздің жарқын болашағы үшін жасалып жатқан игі іс. Барша жанұямызбен, туған-туыстарымызбен таңдауымызды жасадық», -деді ол.
Айта кетейік, дауыс беру – азаматтардың тұрғылықты жері бойынша референдум учаскелерінде өтеді. Учаскелер 07:00-ден 20:00-ге дейін ашық болады. Азаматтар жеке куәлігін не төлқұжатын көрсету арқылы дауыс бере алады.