Депутаттар ішкі істер министріне сауал жолдап, осы мәселені қайта қарау керектігін айтты.
Мәжілісмен Серік Ерубаев қатты аязда машинаны жылытуға 5 минуттан көп уақыт кететінін алға тартты, деп хабарлайды aqshamnews.kz.
Жалпы алғанда, орталық және солтүстік аймақтарда қатты аяз болған кезде машинаны жылытуға 5 минуттан көп уақыт кететіндігі анық. Мұндай санкция кәсіпкерлер үшін үлкен проблема тудыруда. Мысалы, тауарларды үй жанындағы дүкендерге тиеу және түсіру кезінде, әдетте, бөлінген 5 минуттан көп уақытты алады, ал қозғалтқышты -20 градус немесе одан да көп температурада өшіру мүмкін емес, - деп түсіндірді Ерубаев.
Айта кетейік, бұған дейін көлігін 5 минуттан артық қыздырғандарға айыппұл салынатыны хабарланған болатын.