Елімізде алғаш рет «Ұрық медицинасы» жобасы енгізілді. Бұл – денсаулық сақтау саласындағы жаңа әрі маңызды бағыт. Жоба жатырішілік патологияларды аз инвазивті әдістер арқылы емдеуге және түзетуге мүмкіндік береді, деп хабарлайды aqshamnews.kz
Жоба аясында бүгінгі күнге дейін 30-дан астам жатырішілік операция жасалды. Бұл озық технологиялар Қазақстанда ұрықтың патологиялық жағдайларын ерте кезеңде анықтап, оларды емдеуге жол ашты.
Аталған жоба ана мен бала денсаулығын сақтау бағытындағы маңызды қадам болып табылады. 2025 жылдан бастап, жоба бүкіл ел аумағында тұрақты түрде жүзеге асырылады. Бұл жаңа әдіс болашақ ұрпақтың денсаулығын жақсартуға үлкен үлес қосады.