Наурызбай ауданындағы №200 мектепте орналасқан №504 сайлау учаскесінде дауыс берген жазушы, Қазақстан Жазушылар Одағының және Журналистер Одағының мүшесі Нұрдәулет Ақыш дауыс беру процесінің жоғары ұйымдастырылғанын атап өтті.
– Барлығы өте сауатты ұйымдастырылған. Сайлау учаскесінің мүшелері халықты емен-жарқын қарсы алып, олардың аты-жөндерін тізімдерден жылдам тауып алып жатыр. Халықтың белсенділігі жоғары. Неге десеңіз, мен учаскеге ерте келдім дегеннің өзінде, сайлаушылар өте көп болды. Байқаймын, дауыс берушілердің саны артып келеді. Жас отбасылар, орта жастағы адамдар, зейнеткерлер сайлау учаскесіне толассыз келіп жатыр. Бұл деген тамаша ғой! - дейді жазушы.