Адамның жүріс-тұрысы оның психикалық жағдайына ықпал етуі мүмкін. Бұл туралы кинезиолог, фитотерапевт және подиатр Григорий Крутов айтты, – деп хабарлайды aqshamnews.kz тілшісі.
Дәрігердің түсіндіруінше, адам әр қадам жасаған сайын ондаған буын, бұлшықет және қимылды үйлестіретін жүйке жүйесінің түрлі бөліктері қатар жұмыс істейді.
Егер табан өзіне жүктелген тірек қызметін дұрыс атқармаса, оның орнын дененің басқа бөліктері толтыруға мәжбүр болады. Мұндай жағдайда ми тепе-теңдікті сақтап, қимыл-қозғалысты үйлестіру үшін қосымша күш жұмсайды.
Ал табан деформациясы қозғалыс кезінде қосымша бұлшықет топтарының іске қосылуына әкеліп, созылмалы бұлшықет кернеуін және тұрақты шаршауды туындатады. Соның салдарынан орталық жүйке жүйесіне түсетін жүктеме артып, аяқтың ауырлауы, белдің ауруы, жалпы әлсіздікпен бірге ашушаңдық, мазасыздық, ұйқының бұзылуы секілді психикалық жай-күйлер байқалуы мүмкін.
Мұндай жағымсыз әсердің алдын алу үшін мамандар қимыл-қозғалыс үйлесімін түзетіп, бұлшықеттердің дұрыс жұмысын қалпына келтіру қажет екенін айтады. Сол үшін подиатрға қаралып, арнайы тексеруден өту ұсынылады. Қажет болған жағдайда маман табанға арналған жеке дайындалатын ортездерді тағайындауы мүмкін.
