Мәжіліс депутаты Ермұрат Бапи «Ескі Қазақстан» өкілдерінің әлеуметтік желілер арқылы арандатушы ақпарат таратып, елдегі жағдайды тұрақсыздандыруға тырысатынын мәлімдеді, деп хабарлайды aqshamnews.kz
2024 жылы интернетте заңсыз әрекеттерге, оның ішінде жаппай тәртіпсіздіктерге шақырған деструктивті материалдардың таралуы анықталды. ҰҚК жауабында мұндай мазмұнды жариялаған 330 қолданушы анықталып, олардың 29-ының қылмыстық, 30-ының әкімшілік жауапкершілікке тартылғаны айтылды. Қалғандарына қатысты алдын алу шаралары жүргізілді.
ҰҚК мәліметінше, арандатулардың бір бөлігі Дариға Назарбаеваның бейнесін ақпараттық манипуляция құралы ретінде пайдаланумен байланысты болған. Саяси сипаттағы мұндай әрекеттер негізінен анонимді түрде, шетелдік платформалар арқылы таратылады, бұл жауапты тұлғаларды анықтауды қиындатады.
Депутаттың мәліметтері назарға алынып, қосымша ақпарат болса, ҰҚК оларды хабарлауды сұрады.