Хорватияда өткен дзюдодан Еуропа кубогында қазақстандық спортшы Данияр Шамшаев чемпион атанды, деп хабарлайды Aqshamnews.kz тілшісі.
Қазақстан Ұлттық олимпиада комитетінің мәліметінше, Данияр Шамшаев 73 келіге дейінгі салмақ дәрежесінде алтын медаль жеңіп алды. Ал 60 келіге дейінгі салмақта Дамир Болатбеков күміс жүлдеге ие болды.
Сондай-ақ +78 келі салмақ дәрежесінде өнер көрсеткен Толқын Тұрсынқынова қола медаль еншіледі. Осылайша, қазақстандық дзюдошылар Хорватиядағы халықаралық турнирді жүлдемен аяқтады.