Дәл осы тақырыппен бүгін Алматы қаласы Өңірлік коммуникациялар қызметінің алаңында онлайн-сұхбат өтіп жатыр.
Онлайн-сұхбаттың бүгінгі спикері – Алматы қаласы қоғамдық денсаулық басқармасы басшысының орынбасары Лаура Мырзағали, деп хабарлайды Almaty-akshamy.kz.
«Қаламыз бойынша жалпы 393 529 адам вакцина алды, бұл 41 %-ды құрайды, 21 маусымда 5 мыңдай адамға, 22 маусым күні 5840 адамға, кеше 7307 адамға екпе салынды, бұлардың барлығы өз еркімен екпе алғандар. Осылайша, қаламызда екпе салдыру қарқыны артып келеді», -деді спикер.
Бүгінгі күні І компоненттен 393 529 вакцина жасалды, ал ІІ компонентті екпе 264 203 адамға салынды, қалғандары өздерінің шақырылған уақыты бойынша ІІ компонентті алатын болады.
«Қаламыздағы вакцинациялау қарқыны қалай жүріп жатқанына байланысты барлық ақпарат осы», -деді Лаура Мырзағали.