Дүние жүзіндегі эпидахуал қандай?
Австралия 5-11 жастағы балаларды Covid-19-ға қарсы Pfizer препаратымен вакцинациялай бастады, деп хабарлайды Almaty-akshamy.kz Covid-19 таралуына жол бермеу жөніндегі ВАК-тың телеграм каналына сілтеме жасап.
Токио шетелдіктерге жаңа кіру визаларын беруге тыйым салуды ұзартады. Билік ақпан айының соңына дейін ұзарту мүмкіндігін қарастыруда. Енді елге тек жапон азаматтары, аккредиттелген дипломаттар және ұзақ немесе тұрақты тұруға рұқсаты бар шетелдіктер кіре алады.
Австралия 5-11 жастағы балаларды Covid-19-ға қарсы Pfizer препаратымен вакцинациялай бастады. Жаңа оқу жылы алдында вакцинаның 3 млн дозасы таратылады. Елдің Денсаулық сақтау министрлігінің басшысы балаларды сегіз апта аралығымен енгізілетін екі дозамен иммундайтынын атап өтті. Қазіргі уақытта Австралияның ересек тұрғындарының 92%-дан астамы толығымен егілді.
Швецияда COVID-19 аурушаңдық көрсеткішінің өсуіне байланысты жаңа шектеулер енгізілуде. Билік елде инфекцияның таралуы «тарихи жоғары деңгейде» деп мәлімдеді. Қоғамдық тамақтандыру кәсіпорындары 23:00-ден кешіктірмей жабылады. Университеттерге қашықтықтан оқыту режимі ұсынылады. Барлық жаппай жиналыстарда вакцинация сертификаты қажет етіледі.
Ресейде коронавирус инфекциясына шалдығу көрсеткішінің күрт күрделенуі күтілуде. Роспотребнадзор сарапшысы Камиль Хафизов COVID-19 аурушаңдығының өсуі жаңа жылдық демалыстар мен мерекелерден кейін қарқын алады деп мәлімдеді. «Мерекелер аяқталысымен, елде жаңа «омикрон» штамының таралуына байланысты ауру деңгейінің өсуі мүмкін», - деді эпидемиология орталығының ғылыми тобының жетекшісі Хафизов. Ғалымның бұл пікірі SARS-CoV-2 геномындағы өзгерістерге және ауырып жазылған, сондай-ақ егілген адамдарда қалыптасқан қорғаныш антиденелеріне төзімділігін дәлелдейтін зерттеулерге негізделген. Мұны ДДҰ Бас директоры Тедрос Гебрейюс растады.
Коронавирустық індет АҚШ-та жаңа рекордтық көрсеткіштерге жетті. Джонс Хопкинс университетінің мәліметтері бойынша, инфекцияның анықталған жағдайларының саны 60 миллионнан асты. 10 қаңтардағы деректер бойынша, АҚШ-та 60 062 077 адам вирус жұқтырды, оның ішінде 837 504 азамат қайтыс болды. Қаңтар айының басында экипаж мүшелері арасында COVID-19 індетіне шалдығу жағдайларының басталуына байланысты елде рейстерді жаппай тоқтата бастады. Жолаушылар әуежайларда бірнеше сағат күтуге мәжбүр. Американдық ауруханалардың реанимация бөлімшелерінің жүктемесі 78%-дан асты, олардың 22%-ы COVID-19 пациенттеріне тиесілі.