«Реал Мадрид» футбол клубы Германияның «Боруссия Дортмунд» командасын жеңіп, UEFA чемпиондар лигасының жеңімпазы атанды.
Лондондағы «Уэмбли» стадионында өткен Чемпиондар лигасының финалдық матчында испандық клуб 2:0 есебімен жеңіске жетті, деп хабарлайды Almaty-akshamy.kz 24.kz-ке сілтеме жасап.
Бұл екі голды 74-минутта Дани Карвахаль және 83-минутта Винисиус Жуниор соқты. «Реал Мадрид» үшін бұл 15-ші жеңіс. Соңғы рет бұл команда Чемпиондар лигасын 2022 жылы жеңіп алған еді.