Егер оператор тарифті қымбаттатқысы келсе, абоненттерге кемінде 60 күн бұрын SMS арқылы ескертуге міндетті, – деп хабарлайды aqshamnews.kz тілшісі.
Ақпарат оператордың интернет-ресурсында да жариялануы керек.
Бұған дейін ескерту мерзімі 30 күн болатын.
20 тамыздан бастап тағы:
Смартфондарды верификациялау талаптары күшейеді;
Ұялы байланысқа шарт жасасқанда биометриялық сәйкестендіру енгізіледі;
Әлеуметтік және мемлекеттік маңызы бар мобильді қосымшаларға тәулік бойы тарифтелмейтін қолжетімділік қамтамасыз етіледі. Мұндай қосымшалардың тізімін уәкілетті орган анықтайды.
Яғни операторлар тарифті көтере алады, бірақ енді абоненттерді екі ай бұрын ескертуі тиіс.