Қарағандыда сайлау учаскесінде облыстық, қалалық және аудандық мәслихаттардың депутаттары жиналады. Өңірде барлығы 14 мәслихат пен 204 депутат бар, деп хабарлайды ҚазАқпарат тілшісі.
Қарағанды облысында сенатор мандатына үш адам үміткер. Парламенттің жоғарғы палатасына сайлау Қарағанды кеншілер мәдениет сарайының ғимаратында өтеді. Дауыс беруге облыс мәслихаттарының барлық деңгейдегі сайлаушылары-депутаттары жиналды.
Қарағанды облысында Сенат депутаттығына жеті кандидат ұсынылды. Үш кандидат тіркелген.
«Бүгінгі таңда өңір бойынша облыс мәслихаттарынан 204 сайлаушы депутат тіркелген. Қарағанды облысында 14 мәслихат бар. Бүгінде олардың өкілдері дауыс беру құқығына ие. Қазіргі уақытта депутаттарды тіркеу рәсімі жүріп жатыр. Электрондық тіркеу тексеріліп, сағат 11.00-де дауыс беру рәсімі басталады. Дауыс беру қорытындысы бойынша хаттама жасалады. Сайлау қорытындысын ОСК бір апта ішінде жариялайды. Белгілі бір себептермен дауыс беруге қатыса алмаған депутаттарға келетін болсақ, алдын ала ескерту бойынша арнайы ережелер жоқ. Біз барлық депутаттарды сайлау өтетін орны мен уақыты бойынша уақтылы хабардар еттік. Бірақ түрлі себептер болуы мүмкін. Заң бойынша бұл олардың құқығы, бірақ міндеті емес», - деді Қарағанды облыстық сайлау комиссиясының төрағасы Қайрат Нұркенов.
Естеріңізге сала кетейік, Мемлекет басшысының Жарлығымен ҚР Парламенті Сенатының депутаттарын сайлау 2023 жылғы 14 қаңтарға тағайындалды.
Сенатты қалыптастыру тәртібі ҚР Конституциясында айқындалған. Парламенттің жоғарғы палатасында әр облыстан, республикалық маңызы бар қаладан және Астанадан екі адам ұсынылған. Сенат депутаттары жанама сайлау құқығы негізінде сайлаушылар – мәслихат депутаттары жасырын дауыс берген кезде сайланады. Сенат депутаттарының өкілеттік мерзімі алты жылды құрайды. Бұл жағдайда жартысы үш жыл сайын қайта сайланады.