Қазгидромет 2024 жылғы 2 желтоқсанда Қазақстан қалаларындағы ауа сапасына қатысты болжамын жариялады. Астана, Алматы, Қызылорда, Ақтөбе, Атырау, Павлодар және Қостанай қалаларында ауаның ластануының қолайсыз метеорологиялық жағдайлары күтіледі.
Қолайсыз метеорологиялық жағдайлар — атмосфераның беткі қабатында зиянды заттардың шоғырлануына әсер ететін метеофакторлардың (мысалы, тымық ауа райы, жеңіл жел, тұман немесе инверсия) жиынтығы. Мұндай жағдайлар кезінде елдімекендердегі ауа сапасының нашарлауы ықтимал.