Алғашқы тур ойындары 8, 9, 10 шілде күндері өткізіледі.
Ал екінші тур 15, 16, 17 шілдеге белгіленген, деп хабарлайды Almaty-akshamy.kz ҚазАқпаратқа сілтеме жасап.
Бүгін 8 шілдеде «Ақсу» мен «Атырау», «Қайсар» мен «Ақжайық», «Шахтер» мен «Тұран», «Жетісу» мен «Астана» командалары кездеседі.
Ал 9 шілдеде «Қайрат» пен «Ордабасы», «Тараз» бен «Тобыл», «Мақтарал» мен «Ақтөбе» жасыл алаңға шығады.
Қазақстан кубогының алғашқы турын 10 шілдеде «Каспий» мен «Қызылжар» командалары түйіндейді.
Сондай-ақ командалар үшінші тур ойындарын 22, 23, 24, төртінші турды 29, 30, 31 шілде күндері өткізсе, бесінші тур 5, 6, 7 тамызға есептелген.
Алтыншы тур 13, 14, 15 тамызда ойналады.
Жеребе нәтижесі бойынша 16 команда төрт топқа бөлінген.
Оның 14-і Премьер-лигада сынға түсетін клубтар болса, жарыстың үш сатысында жеңімпаз атанған «Қайсар» мен «Жетісу» олардың қатарына қосылды.
Командалардың топтарға бөлінуі төмендегіше: А тобы: «Ақсу», «Атырау», «Қайрат», «Ордабасы» В тобы: «Қайсар», «Ақжайық», «Каспий», «Қызылжар» С тобы: «Ақтөбе», «Мақтаарал», «Тараз», «Тобыл» D тобы: «Шахтер», «Тұран», «Жетісу», «Астана».