Бүгін - ҚР Мемлекеттік сыйлығының иегері, Қазақстанның халық әртісі Ескендір Хасанғалиевтің туған күні. Қазақ музыка өнерінің майталманы 86 жасқа толар еді, - деп хабарлайды Sn.kz ақпарат порталы.
Еске салайық, танымал әнші, композитор, Мемлекеттік сыйлықтың лауреаты, "Құрмет", "Отан" орденінің, "Платиналы Тарлан" сыйлығының иегері Ескендір Хасанғалиев 2021 жылы сәуірде 81 жасында дүниеден озды. Қаралы хабарды Мәдениет және спорт вице-министрі Нұрқиса Дәуешов жеткізді.
Ескендір Хасанғалиев туралы не белгілі?
Ескендір Өтегенұлы Хасанғалиев 1940 жылы 13 ақпанда Батыс Қазақстан облысында туған.
1959 жылы Құрмaнғaзы aтындaғы Aлмaты мемлекеттiк консервaториясының вокaльды-хор фaкультетiн, 1978 жылы Әль-Фaрaби aтындaғы Шымкент мәдениет институтын бітірді.
Қоңыр дауысының арқасында көп жылдар бойы халық әндерін орындап, радио мен теледидардың солисі болды. Ескендір Хасанғалиев өзінің алғашқы "Анаға сәлем" әнін 1961 жылы жазды.
Қадыр Мырзалиевтің сөзіне жазылған "Атамекен" ("Әкелер жері") патриоттық әні 1970 жылы Қазақ КСР-нің 50-жылдығына арналып жазылып, кең танымалдылыққа ие болды.
Өмірін өнерге арнаған Хасанғалиевтің "Атамекен", "Әдемі", "Асыл арман", "Өмірімнің жазы", "Ескірмеген махаббат" әндерін білмейтін қазақ жоқ.
Өнер иесі 200-ге жуық ән, романс және хорға арналған шығармалардың авторы.
Оның бiрнеше ән жинaғы жaрық көрдi. Xaсaнғaлиев әндерiнiң тaқырыбы сaн aлуaн. Ол қaзaқ, орыс, тaтaр, немiс aқындaрының туғaн ел, еңбек, жaстық шaқ, мaхaббaт тaқырыбындaғы өлеңдерiне көптеген ән жaзды. Хaсaнғaлиев гaстрольдiк сaпaрмен Моңғолия (1975), Болгaрия (1982), Югослaвия (1968), Aлжир (1969), Сирия мен Ливaн (1973), Швеция және Финляндия (1970), т.б. елдерде болды. Қaзaқстaн Комсомолы сыйлығының иегерi (1970). Қaзaқ КСР хaлық әртісi (1984).
Марапаттары:
Қазақстанның халық әртісі, ҚР Мемлекеттік сыйлығының, "Құрмет", "Отан" ордендерінің иегері. "Платинды Тарлан" сыйлығының лауреаты, "ҚР Тәуелсіздігіне 20 жыл медалі", "ҚР Тәуелсіздігіне 25 жыл" медалінің иегері, Орал педагогика иниституты мен Шәкәрім атындағы Семей мемлекеттік университетінің құрметті профессоры, Батыс Қазақстан облысының құрметті азаматы.