Қазгидромет 2024 жылдың 6 желтоқсанына арналған ауа райы болжамын жариялап, еліміздің бірқатар қалаларында қолайсыз метеорологиялық жағдайлардың қалыптасатынын ескертті. Алматы, Шымкент, Атырау, Ақтөбе, Павлодар, Өскемен, Семей, және Риддер қалаларында атмосфералық ауа ластанып, ауа сапасының нашарлауы мүмкін, деп хабарлайды aqshamnews.kz.
Қолайсыз метеорологиялық жағдайлар — бұл атмосфераның төменгі қабатында зиянды заттардың шоғырлануына әкелетін метеофакторлардың жиынтығы. Бұл факторлар:
- тымық ауа райы,
- жеңіл жел,
- тұман,
- инверсия.
Бұл жағдайлар атмосферадағы ауа сапасын айтарлықтай нашарлатуы ықтимал.
Қолайсыз метеорологиялық жағдай кезінде ауадағы зиянды заттардың шоғырлануы жоғарылап, қала тұрғындарының денсаулығына кері әсерін тигізуі мүмкін.