Тәуелсіз елімізде осымен 13 рет тудың төмен түсірілгенін кеше жазғанбыз.
Бүгін, 29 қазан – Қазақстанда Қарағандыдағы Костенко атындағы шахтада өрт салдарынан кеншілердің қаза болуына байланысты Жалпыұлттық аза тұту күні, деп хабарлайды Almaty-akshamy.kz
«Қарағанды облысындағы И.А. Костенко атындағы шахтада болған авария салдарынан адамдардың қаза болуына байланысты Қазақстан Республикасында 2023 жылғы 29 қазанда жалпыұлттық аза тұту жариялансын», - делінген Жарлықта.
Бүгін еліміздің барлық аумағында мемлекеттік тулар төмен түсірілді, теле-және радио компаниялары хабар тарату торын ауыстырып, ойын-сауық бағдарламаларын тоқтатады.