25 желтоқсанда әлемдік нарықта мұнай сатылмады.
Қазақстан қор биржасының мәліметінше, доллардың орташа бағамы 1,87 теңгеге төмендеп, 457,63 теңге болды, деп хабарлайды Almaty-akshamy.kz
Қытайда 2023 жылғы 25, 26 желтоқсандағы мереке күндеріне байланысты юаньмен сауда жүргізілмеді.
Еуро бағамын Ұлттық банк 505,75 теңге, рубльді 5,01 теңге деп белгіледі.
Ақша айырбастау орындарында доллар 458,3-460,3 теңгеге, еуро 500-503 теңгеге, ресей рублі 4,91-5,05 теңгеге сатып алынып/сатылып жатыр.
22 желтоқсанда Лондонның ICE Futures биржасында Brent маркалы мұнайдың наурыз айындағы фьючерстерінің құны 0,45%-ға арзандап, барреліне 78,80 доллар болды.
Нью-Йорк тауар биржасындағы (NYMEX) электронды саудада WTI маркалы мұнайдың 2024 жылдың ақпан айындағы фьючерстері 0,45%-ға төмендеп, барреліне 73,56 доллар болды.