Александр Бублик әлемдік рейтингте рекорд жаңартты, - деп хабарлайды Aqshamnews.kz тілшісі.
Қазақстанның бірінші ракеткасы Александр Бублик кәсіби теннисшілер қауымдастығы (ATP) жаңартқан әлемдік рейтингте өзінің жеке рекордын орнатты. Жаңа тізімде ол бір саты көтеріліп, 16-орынға жайғасты. Бұған дейін спортшы 17-орыннан жоғары көтерілген емес.
Бұл жетістік Бубликтің Қытайдың Ханчжоу қаласында өткен ATP 250 санатындағы турнирде жеңіске жетуінің арқасында мүмкін болды. Финалда ол франциялық Валентен Руайені тартысты бәсекеде екі сетте жеңді — 7:6, 7:6.
Әлемдік рейтингтің алғашқы үштігі өзгеріссіз қалды:
-
1-орын — Карлос Алькарас (Испания)
-
2-орын — Янник Синнер (Италия)
-
3-орын — Александр Зверев (Германия)