Туыстары эвакуацияланған адамдарды Түрген экопостында ұйымдастырылған жедел штабта қарсы алды.
Бортоғай су қоймасындағы қар құрсауында қалған барлық адам эвакуацияланды. Бұл туралы Almaty-akshamy.kz ТЖМ сілтеме жасап хабарлайды.
«Қар құрсауында қалған адамдар мен техниканы эвакуациялау жұмыстары бүгін сағат 9.40-та Батанға жетпей 23-25 км аралығында түскен үш қар көшкіні қиындатты. Жалпы, апаттан құтқару жұмыстарына ТЖ департаментінен, Республикалық жедел құтқару жасағынан, полиция департаментінен, облыстық денсаулық сақтау басқармасынан, жергілікті атқарушы органдардан, еріктілерден 85 адам мен 38 техника жұмылдырылды», - делінген хабарламада.
Туыстары эвакуацияланған адамдарды Түрген экопостында ұйымдастырылған жедел штабта қарсы алды.
