Тунистің ауыл шаруашылығымен жасалған келісімге сәйкес, Солтүстік Африка мемлекеті мамандарын жіберіп, озық тәжірибемен бөліседі.
Азық-түлік қауіпсіздігі жөніндегі Ислам ұйымы елімізге азық-түлік пен ауыл шаруашылығы саласында ынтымақтастықты дамытуды көздеп келген делегацияны қабылдады, деп хабарлайды Almaty-akshamy.kz 24.kz-ке сілтеме жасап.
Тунистің Ауыл шаруашылығы, су ресурстары және балық шаруашылығы министрі Абдел Монем Белати бастап келген делегация құрамында 7 кәсіпорын өкілдері бар. Олар қазақстандық әріптестерімен, алыс-беріс орнату мақсатында көлік-логистика мәселесін талқылайды. Қазақстан Туниске бидай, ал Солтүстік Африка мемлекеті бізге құрма және зәйтүн өнімдерін жеткізуге ниетті. Екі ел арасында туризмді дамыту жолдары да қарастырылады.
«Осы 2 күннің ішінде бізде өте жақсы маңызды кезедсу өтіп жатыр. Соның аясында бізде жаңа министр Айдарбек Сапаровпен бірге кездесу болды. Сол кездесу аясында өте жақсы келісімшарттар, маңызды мәселелер талқыланды», - дейді Азық-түлік қауіпсіздігі жөніндегі Ислам ұйымының бас директоры Ерлан Байдәулет.