Алматыда белгілі қазақстандық ғалым, сыншы, әдебиеттанушы Қансейіт Әбдезұлы референдумға қатысып, өз таңдауын жасады. Ол Бостандық ауданындағы М. В. Ломоносов атындағы №38 Қазақстан-Ресей гимназиясында орналасқан №291 учаскеге келіп, дауыс берді.
«Бүгін Мемлекет басшысының бастамасымен Қазақстанда атом электр станциясын салу бойынша референдум өтіп жатыр. Көптеген азаматтарымыз сияқты мен де өз таңдауымды жасадым. Бұл шешімді жеке сенімім мен жинаған ақпаратқа сүйене отырып қабылдадым. Еліміздің дамуын ілгерілететін жолды таңдап, болашақ ұрпақ үшін жарқын болашақ құруымыз керек», – деді Қансейіт Әбдезұлы.