4 күннен соң бітеді.
Магистратура, докторантура, резидентура және тағылымдама бағдарламаларына түсуге өтінімдер eGov.kz мемлекеттік қызметтер порталы арқылы қабылданады, деп хабарлайды Almaty-akshamy.kz
«Болашақ» халықаралық стипендиясын тағайындауға конкурстық іріктеу онлайн режимінде өтеді және 3 кезеңнен тұрады:
- кешенді тестілеу
- тәуелсіз сарапшы комиссия мүшелерімен жеке әңгімелесу
- кадрларды шетелде даярлау жөніндегі республикалық комиссия отырысында құжаттарды қарау.
«Конкурстық іріктеуге қатысу үшін үміткерлер 2 негізгі құжатты ұсынуы тиіс: «Болашақ» бойынша оқуға ұсынылатын жоғары оқу орындар тізіміндегі шетелдік университеттен шақыру, сондай-ақ нәтижесі кемінде B1 деңгейіндегі мемлекеттік тіл бойынша емтихан тапсырғаны туралы», - делінген министрліктің Telegram парақшасында.